గృహమే కదా స్వర్గసీమ

శ్రీ తులసి ప్రియ తులసి జయమునియ్యవే జయమునియ్యవే ..||2||
సతతము నిను సేవింతుము సత్కృపకనవే
సత్కృపకనవే .....||2|| ||శ్రీతులసి||
లక్ష్మీ పార్వతి వాణీ అంశలవెలసీ||2||
భక్తజనుల పాలించే మహిమనలరుచూ||శ్రీతులసి||
వొల్లగ శాఖలు వేసీ.... వెల్లుగ దళముల విరిసీ
శుభకర పరిమళములతో మా పెరటివేల్పువై వెలసీ...||శ్రీతులసి||
దళమునకొక విష్ణువుగా విష్ణుతులసివే...శ్రీకృష్ణ తులసివే...
జయహారతిగైకొనవే మంగళ శోభావతివై||శ్రీతులసి||

ఈ పాట నేను ఒకటో తరగతి చదివేటప్పుడు మా తెలుగు వాచకంలో ఉండేది ..
ఈ పాటని ఎక్కువగా మా అమ్మ మజ్జిగ చిలికేటప్పుడు పాడేదానట అమ్మ చెప్పేది ....:)

పిల్లలూ నిన్న మనం బొగ్గు పులుసు వాయువు గాలిలో ఎక్కువైతే కలిగే ప్రమాదాల గురించి తెలుసుకొన్నాం.

ఇవాళ దాన్ని ఏఏ పదార్ధ్హాల తయారీలల్లో ఉపయోగిస్తారో దాని లక్షణాలేమిటో తెలుసుకొందాం.
ఈ వాయువు గాలికంటే బరువైనది.
పుల్లటి వాసన కలిగి ఉంటుంది.
దీనిని మంటలు ఆర్పడానికి ఎక్కువగా ఉపయోగిస్తారు.
దీనినే కార్బన్ డై ఆక్సైడ్ అని కూడా అంటారు .దీనిని సోడా అదే మీరు తాగుతారే కూల్ డ్రింక్స్ వాటి తయారీలో కూడా ఉపయోగిస్తారు.

ఇప్పుడు మనం సోడా ఎలా తయారుచేస్తారో తెలుసుకొందాం.

ఒక సీసాలో నీళ్ళు లేదా ఏదైనా సుగంధపు నీటిని తీసుకొని అందులోకి ఎక్కువ మొత్తంలో ఈ బొగ్గుపులుసు వాయువుని పంపి వెంటనే మూత బిగించి సీలు చేసేస్తారు.
H2O+CO2->H2CO3
అంటే నీటిలో అధిక మొత్తంలో ఈ వాయువుని కరిగించి అతిసంతృప్త ద్రావణంగా చేసి సీలువేస్తారన్నమాట ...
పిల్లలూ ఎప్పుడర్ధ్హమైదా...మీరు తాగే ఈ కూల్ డ్రింక్స్ లో ఏ వాయువుందో ..?ఆ .....
బొగ్గుపులుసు వాయువు ఉంది. నిన్న మనం ఏమని చెప్పుకొన్నాం.?
బొగ్గుపులుసు వాయువు చాలా ప్రమాద కరమైనది అని కదా ...!
మరి అలాంటీ ప్రమాదకరమైన వాటిని మీరు ఇప్పటి వరకూ తాగుతున్నారు . కాబట్టి ఇకనుంచి వాటిని తాగటం మానివేయండి .
సరేనా........!
వాటిబదులుగా కొబ్బరినీళ్ళు ,పండ్ల రసాలు తాగండి .అవి ఆరోగ్యానికి చాలా మంచివి .
పిల్లలూ "ఆరోగ్యమే మహాబాగ్యం, ఐకమత్యమే మహాబలం" . దీనిని మీరెప్పుడూ మరవకండి.
.......సశేషం

పిల్లలూ మీ చుట్టూ ఉండే ఈ గాలిలో ఏ ఏ వాయువులు ఉన్నాయో మీకు తెలుసా...?

ఇప్పుడు మనం ఆ వాయువులనీ, వాటి లక్షణాలనీ ప్రయోగ పూర్వకంగా తెలుసుందాం.
మన చుట్టూ ఉండే ఈ గాలిలో అనేక రకాల వాయువులు ఉన్నాయి . గాలిలో 78.08% నత్రజని , 20.95% ఆమ్లజని, 0.93% ఆర్గాన్, 0.038% బొగ్గుపులుసు వాయువు ,దరిదాపు 1% నీటి ఆవిరి ,అతి తక్కువ శాతం ఇతర వాయువులు ఉన్నాయి.
వీటిలో చాలా చాలా ముఖ్యమైనది ఆక్సిజన్ .దీనినే ప్రాణ వాయువు అనికూడా అంటారు. మనమూ, మన చుట్టూ ఉండే ఈ జంతువులు, పక్షులు, చేపలు ...ఇంకా ఈ ప్రాణులన్నీ ఈ ప్రాణ వాయువువల్లే జీవిస్తున్నాయు.అందుకే ఇది అతి ముఖ్యమైనది . గాలిలో ఈ ఆక్సిజన్ తగిన శాతంలో లేకపోతే ఈ ప్రాణులన్నీ చనిపోతాయి . కావున ఈ వాయువుని వీలైనంత ఎక్కువ మొతాదులో గాలిలో ఉందెలా చూడాలి .దీనికోసం మనం చెట్లని ఎక్కువగా పెంచాలి. ఎందుకంటే మనం అంటే నువ్వూ ,నేనూ ,ఇంకా ఈ జంతువులు అన్నీ ఈ ఆక్సిజన్ ను పిల్చుకొని ,బొగ్గు పులుసు వాయువుని వదులుతున్నాయి. కానీ చెట్లు, మొక్కలు మాత్రం ఈ బొగ్గు పులుసు వాయువుని పీల్చుకొని ప్రాణ వాయువుని వదులు తున్నాయి . అంటే మనం వదిలే వయువుని చెట్లు పీల్చుకొని మనం పీల్చే వాయువుని విడుదల చేస్తున్నాయన్నమాట..
గాలిలో కార్బన్ డై ఆక్సైడ్ శాతం పెరగడాన్ని "హరిత గృహ ప్రభావం" అంటారు.
ఈ హరిత గృహ ప్రభావం చాలా ప్రమాదకరమైనది . దీనిని తగ్గించడానికి మనం ఎమి చెయ్యాలి..?
ఆఆ ...చెట్లని ఎక్కువగ పెంచాలి .
మరి మీరుకూడా చెట్లను తప్పక పెంచుతారుకదూ..
...సశేషం

రాధకు నీవేర ప్రాణం ఈ రాధకు నీవేర ప్రాణం ....

పల్లవి : కొలనిదోపరికి గొబ్బిళ్ళో యదుకులాస్వామికిని గొబ్బిళ్ళో ||3||
యదుకులాస్వామికిని గొబ్బిళ్ళో ||2||
చరణం : 1 కొండగొడుగుగా గోవులకాచిన పొందుక శిశువుకు గొబ్బిళ్ళో ||
దుండగంపు దైత్యులకెల్లను తల గుండు గండనికి గొబ్బిళ్ళో || ||కొలని||
2 పాప విధున శిశుపాలుని తిట్టుల కోపగానికిని గొబ్బిళ్ళో ||
ఏపున కంసుని ఇడుమనపెట్టిన గోపబాలునికి గొబ్బిళ్ళో || ||కొలని||
3 గండి వైరులను తరిమిన ధనుజుల గుండె దిగులునకు గొబ్బిళ్ళో ||
వెండిపైడియగు వేంకటగిరిపై కొండలయ్యకును గొబ్బిళ్ళో || ||కొలని||

సొగసు చూడ తరమా నీ ...........సొగసు చూడ తరమా ...ఆ .....
ఇంతటి అందాన్ని బాపు గారు వేసిన దాన్ని చూసి మనసులో ఏదో తెలియని ఆవేశంతో
ఈ కాగితంపై ఉంచాను .

రామ చంద్రాయ జనక రాజజా మనోహరాయ
మామకా భీష్టదాయ మహిత మంగళం
చారు కుంకుమోపేత చందనాను చర్చితాయ
హార కటక శోభితాయ భూరి మంగళం
విమల రూపాయ వివిధ వేదాంత వేద్యాయ
సుజన చిత్త కామితాయ శుభగ మంగళం
రామదాస మృదుల హృదయ తామరస నివాసనాయ
స్వామి భద్ర గిరివరాయ దివ్య మంగళం

ఒక ఆడపిల్లకి చదువు, అందం , ఉద్యోగం ఉన్నా మంచి భర్తా,మంచి అత్తమామలు,కలగటమే అదృష్టంగా భావిస్తాను .
నాకు అటువంటి అదృష్టం కలుగజేసింది ఆ అమ్మ .
నాన్న పోయాక ఒక సంవత్సరానికి నా చదువు పూర్తైయింది. ఇక ఉద్యోగప్రయత్నాలు యస్ .బి.ఐ. క్లర్కు
పోస్టుకి ప్రెపేరయ్యాను ,కానీ నాకు రాలేదు. ఎలాంటి సమయంలో నాకొక పెళ్ళిసంభందం వచ్చింది . అమ్మకీ, అన్నయ్యకీ, తాతయ్యకీ చాలా బాగానచ్చింది. నాకుకూడా మావారు నచ్చారు .నిజం చెప్పాలంటే అదిచాలా పెద్ద సంభందం .అమ్మ చాలా భయపడింది, కట్నం అడుగుతారేమోనని . కానీ ముందు జాతకాలు చూడాలి కదా ..నాకు అప్పటివరకూ జాతకం వ్రాయలేదు ,కేవలం పుట్టీనతారీకు ,టైము తెలుసు. సరే జాతకం రాయించటానికి మా మేనమామ ,తాత వెళ్ళారు. నా జాతకం చూసినాయాన నాకు 2009కానీ, 2011లో కానీ కళ్యాణం జరుగుతుందనిచెప్పారు కానీ నాకు అప్పుడు రాహువు సరిగాలేదని , నన్ను 22 మంగళవారాలు రాహుకాలంలో ఉపవాసంతో నిమ్మకాయ దీపాలు వెలిగించి, బెల్లం నైవేధ్యంగా పెట్టమన్నారు .
అలానే నేను ఐదోవారం పూజచేసి లేవగానే పెళ్ళివారినుంచి ఫోను అమ్మాయి మాకు నచ్చింది కట్నం కూడా వద్దూఅని...
తరువాత ఒక 2 గంటలకి మా అన్న ఫోను చేసి వాడికి యన్.టి.పి.సి. లో ఉద్యోగంవచ్చిందని చెప్పాడు. అంతే మా ఆనందానికి అవధులు లేవు .
నాకు, అమ్మకీ ఇదంతా ఆ అమ్మ కృపేనని అనిపించింది . ఆ అమ్మ ఐదువారాలకే అంతటి దయ చూపింది మాపైన .
ఎలా 22 వారాలు పూర్తి కాగానే మార్చి 12, 2009 లో నాకు మా వారితో వివాహం అయ్యింది . మా అత్తగారు కూడా ఈ పూజ 6 సంవత్సరాలనుండి చెస్తున్నారట. ఆ తల్లినీ, ఆమెచూపిన కృపనూ ఏరోజూ మరువను .
మీరు కూడా ఈ పూజ చేసి ఆ తల్లి కృపకు పాత్రులు కాగలరని ఆశిస్తున్నాను ....

శెనగ కవచమూలె సలసలా వెగుచూ కడుపులో రసనాడి కదులసాగు
ముక్కకొరికినంత ముల్లుకములయాత్ర చేత పైసాలేక చేయగలడు ........
ధనము వెచ్చించి కన్నీళ్ళు కొనగచేయు మిరపబజ్జీల రుచిని నే మరువలేను
ఒక్కటో ..రెండో మంచిదే.....ఎక్కువైన సచిను టెండూల్కరుడు మాకు సాటిరాడు.............