గృహమే కదా స్వర్గసీమ

మొన్న శనివారం నేను మా వారు కలిసి చిన్న విహారయాత్రకి వెళ్ళాం
ఈ దేశానికి వచ్చాక AMTRAK లో ఎక్కువ దూరం వెళ్ళటం ఇదే మొదటి సారి , చాలా బాగా ఎంజాయ్ చేసాం :)
సోమవారం తిరిగి వచ్చాం . తిరిగి వచ్చేప్పుడు ఒక చిన్న తమాషా జరిగింది అదేమిటంటే ...
నాకు పాటలు వినడమన్నా, పాడటమమన్నా చాలా ఇష్టం .ఏదో మోస్తరుగా పడుతాను లేండి:)
నేను ipod లో వింటూ నాకు తెలీకుండానే చాలా పెద్దగా పాడేసానట, ఈ సంఘటన తరచూ జరుగుతుంది లేండి కానీ మా ములుగా మావారు చిన్నగా..చిన్నగా..అని చెబుతుంటారు. కానీ నిన్న అలా ఏమి చెప్పలేదు నా పాటికి నేను రెండున్నర గంట పాడుకొంటునే ఉండిపోయాను :)
ఆ తర్వాత స్టేషన్ వచ్చేసింది దిగటానికని పైకి లేచాం
అప్పుడేమి జరిగిందో తెలుసా ..?
అబ్బో నాకు సిగ్గేస్తోంది :)
అప్పుడేమిజరిగిందంటే మా వెనక సీటులో కూర్చొని ఉన్న అమెరికన్ ఆవిడ నా చెయ్యి పట్టుకొని చాలా చాలా బాగా పడావు , నీ పాట వింటూ మేము ప్రయాణాన్ని చాలా ఎంజాయ్ చేశాము అని చెప్పారు
అప్పుడు కొద్దిసేపు నా గొంతు మూగపోయింది .ఆవిడకి థాంక్స్ అని చెప్పనే కానీ ఆవిడ నిజంగానే బాగుందంటున్నారా ..లేక బరించలేక దాన్ని అలా చెప్పరా ..? అని అనుకుంటూ మా వారితో అన్నాను మాములుగా అయితే తమాషాగా నువ్వనుకోనేది నిజమే అని అనే వారు :)
కానీ నిన్న మాత్రం నిజంగా చాలా బాగా పాడావ్ అందుకనే నువ్వు పెద్దగా పాడుతున్న వింటూ వుండిపోయాను అని చెప్పారు . 'ఆహా' అని అనిపించింది. మళ్లీ కిందకి వచ్చాక కూడా ఆవిడ, ఆవిడ ఫ్రెండ్స్ కూడా మళ్లీ అలానే అన్నారు, అప్పుడు ఇక ఇది నిజనేననినమ్మే..:)
ఆ ఆనందంతో రెండు కేజీలు బరువు పెరిగి పోయా... అందుకే ఇవాళ నడక రాజుకంటే కొంచం ఎక్కువ చేశా లెండి :)
మనసున మల్లెల మాలలూగెనే ..కన్నుల వెన్నెల డోలలూగెనే...
ఎంత హాయి ఆ పగలు నిండెనో ఎన్నినాళ్ళకీ బ్రతుకు పండెనో..

ఈ పాట నేను ఒకటో తరగతి చదివేటప్పుడు మా తెలుగు వాచకంలో ఉండేది ..
ఈ పాటని ఎక్కువగా మా అమ్మ మజ్జిగ చిలికేటప్పుడు పాడేదానట అమ్మ చెప్పేది ....:)

ఒక ఆడపిల్లకి చదువు, అందం , ఉద్యోగం ఉన్నా మంచి భర్తా,మంచి అత్తమామలు,కలగటమే అదృష్టంగా భావిస్తాను .
నాకు అటువంటి అదృష్టం కలుగజేసింది ఆ అమ్మ .
నాన్న పోయాక ఒక సంవత్సరానికి నా చదువు పూర్తైయింది. ఇక ఉద్యోగప్రయత్నాలు యస్ .బి.ఐ. క్లర్కు
పోస్టుకి ప్రెపేరయ్యాను ,కానీ నాకు రాలేదు. ఎలాంటి సమయంలో నాకొక పెళ్ళిసంభందం వచ్చింది . అమ్మకీ, అన్నయ్యకీ, తాతయ్యకీ చాలా బాగానచ్చింది. నాకుకూడా మావారు నచ్చారు .నిజం చెప్పాలంటే అదిచాలా పెద్ద సంభందం .అమ్మ చాలా భయపడింది, కట్నం అడుగుతారేమోనని . కానీ ముందు జాతకాలు చూడాలి కదా ..నాకు అప్పటివరకూ జాతకం వ్రాయలేదు ,కేవలం పుట్టీనతారీకు ,టైము తెలుసు. సరే జాతకం రాయించటానికి మా మేనమామ ,తాత వెళ్ళారు. నా జాతకం చూసినాయాన నాకు 2009కానీ, 2011లో కానీ కళ్యాణం జరుగుతుందనిచెప్పారు కానీ నాకు అప్పుడు రాహువు సరిగాలేదని , నన్ను 22 మంగళవారాలు రాహుకాలంలో ఉపవాసంతో నిమ్మకాయ దీపాలు వెలిగించి, బెల్లం నైవేధ్యంగా పెట్టమన్నారు .
అలానే నేను ఐదోవారం పూజచేసి లేవగానే పెళ్ళివారినుంచి ఫోను అమ్మాయి మాకు నచ్చింది కట్నం కూడా వద్దూఅని...
తరువాత ఒక 2 గంటలకి మా అన్న ఫోను చేసి వాడికి యన్.టి.పి.సి. లో ఉద్యోగంవచ్చిందని చెప్పాడు. అంతే మా ఆనందానికి అవధులు లేవు .
నాకు, అమ్మకీ ఇదంతా ఆ అమ్మ కృపేనని అనిపించింది . ఆ అమ్మ ఐదువారాలకే అంతటి దయ చూపింది మాపైన .
ఎలా 22 వారాలు పూర్తి కాగానే మార్చి 12, 2009 లో నాకు మా వారితో వివాహం అయ్యింది . మా అత్తగారు కూడా ఈ పూజ 6 సంవత్సరాలనుండి చెస్తున్నారట. ఆ తల్లినీ, ఆమెచూపిన కృపనూ ఏరోజూ మరువను .
మీరు కూడా ఈ పూజ చేసి ఆ తల్లి కృపకు పాత్రులు కాగలరని ఆశిస్తున్నాను ....

నిన్న ఉదయం ఇల్లు సర్దుతుంటే ర్యాకు అడుగున నా చిన్నప్పటి ఆల్బం కనిపించింది .
దాన్ని చూడగానే నా మనసుకు ఎంతో ఆనందంగా అనిపించింది. ఇక ఇల్లు సర్దడం మానేసి ఆ ఆల్బం చూస్తూ కూర్చున్నాను. మొదటి పేజీ తిప్పగానే నేను మా మావయ్య కూతురు చిన్నప్పుడు బుడ్డిలాట ఆడుకొనే ఫోటో కనిపించింది .
నాకు ఊహ తెలిసి తెలియక ముందు నుంచి దరిదాపు ఎనిమిదో తరగతి వరకు ఈ ఆట ఆడేదన్ని ఈ ఆటంటే నాకు చాలా ఇష్టం ...అప్పట్లో అమ్మ స్కూల్ కి వెల్లమంటే కూడ వెల్లెదాన్ని కాదు అమ్మమ్మ కూడ అమ్మతో అదేమన్నా ఐ.ఎ.యస్ ,ఐ.పి.యస్, చదువుతుంద ఏంటీ.. అని నాకు సపొర్టు...
ఇలా రోజూ జరిగేది.. మేము ఎక్కువ అమ్మ- పాప ఆట, టీచర్ ఆట ఆడుకొనేవాళ్ళం . దానికంటే నేను పెద్ద కాబట్టి నేను అమ్మ అది పాప,ఈ ఫొటోలో కూడా చూడండి ఇద్దరం ఎలా ఆడుకుంటున్నామొ....
మా ఊళ్ళో కనుపూరి జాతర జరుగుతుంది .అక్కడ చాల బొమ్మలు అమ్ముతారు .ఒకసారి అమ్మని అడిగి ఎడ్చి మరీ స్టీలుబుడ్డిలు కొనిపించుకున్నాను. ఆ తర్వాత ఆదివారం నేను,మా అన్న,పక్కింటి విజయ లక్ష్మి ,పవన్ అందరం కలిసి ఈ స్టీలు బుడ్డిలతో నిజం వంట చేయాలనుకున్నాం .
కాని మా దగ్గర పప్పు ,ఉప్పు,చింతపండు, లేవు కదా...అమ్మనడిగితే కొదుతుందని భయం ఇక వుందిగా... అమ్మమ్మగారిల్లు తాతయ్య కంట పడకుండా ఎలానో గుడి వెనక వంట చేశాం. చాలా బాగా వచ్చింది...
ఇలా సరదాగా మొదలైంది నా వంట..
పెళ్ళికి ముందు కూడా ఎప్పుడైన వండేదాన్ని, కానీ పెళ్ళి తర్వాత వంటే పనిగా... వంటిల్లే వైకుంఠంగా... మారిపోయింది . కానీ...అదే చాలా బాగుంది . అందరికీ ఇలా నాచేత్తో వందిపెడుతుంటే చాలా తృప్తిగా ఉంది. ఇలా చాలా మంది ఆడవాళ్ళకి అనిపిస్తుంది. కానీ.. ఇది పెళ్ళి తర్వాత నాకు కలిగిన మొదటి అనుభవం

మా అమ్మమ్మ నాకు ఈ బువ్వ పెడుతూ ఈ పాట పాడేది
పచ్చుకోన్నిద్రపొయ్ పల్తొంకొన్ పాల్తాగెస్.. మళ్ళీ ....పచ్చుకోన్నిద్రపొయ్ పల్తొంకొన్ పాల్తాగెస్......