ముగ్గులే ముగ్గులు మా మాంచి ముగ్గులు

7:12 PM Posted In , Edit This 1 Comment »
ఆ మద్య చెప్పాగదండి ముగ్గులు వేస్తున్నానని ఎప్పుడూ వేసే ముగ్గులేనా అని మార్పు కోసమని కొత్త ముగ్గుల కోసం వెతుకుతుండగా ఈ వెబ్సైటు కంటపడింది. వామ్మో ..! ఎన్ని ముగ్గులో కొన్ని మాములుగా ఉన్నా, ఇంకొన్ని మాత్రం చాలా చాలా బాగున్నాయి. కొన్నిటికి చుక్కలు రాసారు, కొన్నిటికి రాయలేదు. ఆ చుక్కలు రాయని ముగ్గులే నాకు ఎక్కువగా నచ్చేసాయి ఇక చెప్పేదేముంది వాటిని సొంతగా వేసేదానికి ప్రయత్నిస్తున్నాను. కొన్ని మాత్రం బాగానే వేసేశాను. కొన్ని మాత్రం రావట్లేదు :(
http://www.ikolam.com//
మీరూ ప్రయత్నించండి. చాలా బాగున్నాయి. బోలెడన్ని వెరైటీ ముగ్గులు మీ కోసం వేచిచూస్తున్నాయ్ :)
http://www.ikolam.com/node/17343?p=343

ఇది చూడండి, ఎంత బాగుందో..!
మరేమిటి ప్రయత్నిస్తారా ..? :)

మా పసలపూడి కథలు

6:17 PM Posted In Edit This 4 Comments »

ఈఅడ్వటేజిమెంట్ చూడగానే చప్పలేనంత ఆనందం కలిగింది. ఎప్పుడు మొదలవుతుందా..?అని ఆశగా వేచి వున్నాను.
పాట కూడా చాలా చాలా బాగుంది. అందుకే మీరు కూడా విని ఆనందిస్తారని పెట్టాను.
మా పసలపూడి కథలండీ..
ఏ కథలు కన కథలండీ ..
మీ రుసరుసలు వదులండీ
మై మరపులిక మొదులండీ
మా బుల్లితెర మీ కళ్ళతెర నుంచున్న వేళ
ఆ త్మీయతలు ఆ వేదనలు చేస్తున్న లీల
చూడాలంట ఆడాలంట ఇంట్లోచేరి మీరంత మీవాళ్ళంత ..మీమనసులకే అవి జతలంటా...

పసల పూడి కథలు అనగానే నాకు ముందు గుర్తొచ్చేది డక్కిలి (వేంకటగిరి దగ్గర ) .నేను BSc చేసే రోజుల్లో మా అమ్మకి ఆ ఊరికి ట్రాన్ స్వర్ అయ్యింది. ఆ ఊరిలో మాకు తెలిసిన వాళ్ళెవరూ లేరు, అదీకాక నేను అన్నయ్య వాకాడులో చదువుకొనే వాళ్ళం , అమ్మ నాన్న డక్కిలిలోఉండేవాళ్ళు . అందువల్ల సెలవలకు అక్కడికి వెళితే ఇంట్లోనే కూర్చోవాలి తప్పదు:(
అప్పుడు నా జీవితంలో మొదటిసారి గ్రంధాలయంకు వెళ్ళడం జరిగింది :)
వెళ్ళిన వెంటనే పెద్ద బుద్దిమంతులలాగా అక్కడ బయట పెట్టివున్న ఉద్యోగ సోపానం , విద్యా ..ఎలాంటివి తీసి చదువుతుండగా మూడు రోజులతర్వాత అక్కడి లైబ్రేరియన్ మనం పెద్ద మేధావులమనుకొని పాతసంచికలు కూడా చూడదండి ఇక్కడ ఉన్నాయి అన్నారు. మీరు ఏమిచేస్తున్నారు, BSc నా BA నా? ఏదైనా బుక్స్ అవసరమైతే నన్ను అడగండి అని ఎంతో వినయంగా చెప్పి వెళ్లారు. మనవు అంతేవినయంగా అలానే అని చెప్పి అలా పాత సంచికలు తిరగేస్తుండగా ఆపక్కనే స్వాతి పుస్తకం కనిపించింది. ఇక అలవాటు ప్రకారం ఈ ఉద్యోగ సోపానాన్ని పక్కనబెట్టి ఆ స్వాతి పుస్తకాన్ని అందుకొని చూస్తుండగా అక్కడ మన బాపుగారువేసిన బొమ్మలు కనిపించాయి ఏవిటా అని చదువుతుంటే
బాగా ఉండే అని గబగబా చదివేసి పాత స్వాతి పుస్తకాల వేటలో పడ్డాను. అలా మాములుగా 12 గంటలకి ఇంటికి వెళ్ళేదాన్ని ఆ రోజూ 2 అయ్యింది :)
ఇంటికి వేచ్చేసరికి అమ్మ ఏమి అన్నానికి కూడా రాకుండా ఎక్కడున్నావ్ అని అడిగితే ఆ పక్కనే ఉన్న లైబ్రరియన్ మాలైబ్రేరిలోనే ఉంది లెండి అని నవ్వుకుంటూ వెళ్లి పోయాడు :) అలా ఎందుకు నవ్వాడో అప్పుడు అమ్మకు తెలీలేదు
(మనకి తెలుసు కదా ) అలా రోజూ పసలపూదికతలు చదివి ఇంటికి రావడంతో పది రోజులు గడిచి పోయాయి. ఆ లైబ్రేరియన్ పసల పూడికతల మీద మనకున్న మక్కువ చూసి మీరు కావాలంటే ఇంటికి తీసుకెళ్ళి చదువుకోవచ్చు అని చెప్పాడు. ఆ మాట అనగానే తెలీకుండానే అప్రయత్నంగా అమ్మో ...స్వాతి పుస్తకం చదువుతున్నానని అమ్మకి తెలిస్తే చంపేస్తుంది అని అన్నాను. ఆయన నవ్వుతూ నువ్వు పసల పూడి కథలేగా చదువుతున్నావ్ దానికెందుకు అలా భయపడేది మేడంగారు ఏమి అనరులే తీసుకువెళ్ళు అని నవ్వుతూ వెళ్లి పోయారు.
అప్పటికే అక్కడ ఉన్న పాత సంచికలన్నీ చాలా వరకు చదివేసాను. సరే చెప్పారుకదా అని మిగిలిన పుస్తకాలని ఇంటికి తీసుకు వెళ్లాను అమ్మ వాకిట్లోనే చేతిలో ఆ పుస్తకాలు చూసి కొట్టేసేలా చూసింది. అదికాదు ఇందులో పసలపూదికతలు బాగున్నాయి అని ఆ లైబ్రేరియన్నే ఇచ్చాడు అని తడుముకోకుండా అబద్దం చెప్పి లోపాలకి వచ్చేసాను.
అమ్మకి కోపం తగ్గినతరువాట పక్కన కూర్చొని ఆ పసల పూడి కథలు పెద్దగా చదవడం మోదులేట్టా
అమ్మ విని నేను చదివేసిన వేరొక పుటకం తీసి తను కూడా చదవడం మోడులేట్టింది :)
ఎప్పుడూ అర్దమయ్యిందా నేను ఎందుకు తీసుకోచ్చుకున్ననో ..పెద్ద కొట్టేసేలా చూసావే అని నవ్వుకుంటూ అన్నాను
అమ్మ అంది - సర్లే బానే ఉంది ఇలాంటివి చదివితే పర్లే అని వెళ్లి పోయింది :)

ఈ పసల పూడి కథలు ఎవరు సీరియల్ గా తీస్తున్నారో తెలీదు కానీ బాపు గారు డైరెక్ట్ చేస్తే బావుంటుందని నా ఆశ మరి మీరేమంటారు..?

మహా బాగా సాగిపోతున్న ధనుర్మాసం

12:56 PM Posted In Edit This 0 Comments »
నాకు ఈ ధనుర్మాసం అంటే చాలా ఇష్టం ఎందుకంటే నేను ఈ మాసంలోనే పుట్టాను.
మొన్న 16వ తారీకు ధనుర్మాసం ఆరంభం రోజున నా పుట్టిన రోజు.
పుట్టిన రోజు పోయిన ఎడాది లానే అమ్మవాళ్ళు దగ్గర లేకుండానే జరిగిపోయింది. అదేలా ఉన్నా,
ఈ ఎడాది ఒక శుభవార్త.
పోయిన ఎడాది కేవలం కాగితంకు మాత్రమే పరిమితమైన నా అందమైన రంగవల్లులు నేడు నేలమీద ప్రత్యక్షం అవుతున్నాయి .
అవును, ఈమధ్య కొత్త ఇంట్లోకి మారెం, ఇక్కడ బాల్కనీ చాలా పెద్దదిగా ఉంది. అంతే ముగ్గువేసేద్దమని అనుకున్నాను , కానీ ముగ్గుపిండి ఇక్కడ దొరకదు కదా అని అనుకుంటుండగా అప్పుడు వెలిగింది. బియ్యపు పిండితో వేయవచ్చుకదా అని.
మొదటి రోజు వేసినపుడు ముగ్గుపిండితో వేసినంత బాగా రాలేదు కానీ తరువాతా బాగానే వచ్చింది.
జీన్స్ సినిమాలో రవేనా చలియా... పాటలో "డిస్నీలండులో కల్లపు చల్లి ముగ్గులు వేద్దం రా బామ్మ" లా ఈ దేశంలో బియ్యపుపిండి ముగ్గులు వేయడం చాలా సరదాగా ఉంది. నేనేప్పుడు కలలో కూడా అనుకోలేదు ఇలా జరుగుతుందని, చాలా సంతోషంగా ఉంది.

ఇంకో మంచి విషయం ఏమిటంటే రోజూ తిరుప్పావై చదువుతున్నాను. చాలా రోజుల తరువాత ఈ ధనుర్మాసాన్ని మహా బాగా జరుపుకుంటున్నాను

గ్రహవీక్షణము కన్న సద్గురువను గ్రహవిక్షణమే మిన్నా...........

1:44 PM Posted In Edit This 2 Comments »



గ్రహవీక్షణము కన్న
సద్గురువను గ్రహవీక్షణమే మిన్నా.......

ఇహము పరము లేటులున్నా..
మహిలో గానము, గానము కన్నా.. ll గ్రహ..ll
మురిపెమలర వినవలేనన్న
మురళీ గానమే మిన్నా.. ll గ్రహ.. ll
రామ కృష్ణుల కన్నా..
ఏమివ్వగలను నేనింత కన్నా... ll గ్రహ.. ll

మొన్న మా టీవీ లో వచ్చిన శ్రీ మంగళంపల్లి బాల మురళీ కృష్ణ గారి కచేరీ చూసి, వినీ నా తనువూ, మనసు పులకరించి పోయాయి.
బాలసుబ్రహ్మణ్యం గారు చెప్పినట్లు
ఈ భూమి మీద పుట్టిన మనలాంటి మామూలు మనుషులని సంగీతంతో పునీతం చేయడానికి అవతరించిన గంధర్వులు శ్రీ మంగళం పల్లి వారు
ఆయనకాయనే ఒక ఉపమానం
అంతటి సర్వోతృష్టను మనందరి కోసం అవతరింపజేసిన ఆ పరమేశ్వరునికి ఇవే నా సాష్టాంగ ప్రణామాలు.

మొత్తం కచ్చేరీలో నాకు ఈ గ్రహవీక్షనముకన్న...అన్న పాట మహా బాగా నచ్చింది. దానితో పాటు,
ఎన్ని సార్లు విన్నా తనివితీరని
ఏమిసేతురా..లింగా.. ఏమీ సేతురా... పాట విని తరించి పోయాను
ఈ youtube పుణ్యమా అని ఎప్పుడూ వినాలనిపిస్తే అప్పుడు విని పునీతనవుతున్నాను
నా ఈ జీవిత కాలంలో ఈ లాంటి మహోన్నత వ్యక్తిని కన్నులారా చూసే బాగ్యాన్ని ప్రసాదించమని ఆ పరమేశ్వరునికి వేడుకొంటున్నాను.

భలే ఉంది...!

2:48 PM Edit This 4 Comments »

నాకు చిన్నపాటి నుంచి మామిడి పండ్లన్నా, ఆపిల్ పండ్లన్నా చాలా ఇష్టం.
అమెరికాకి వచ్చిన కొత్తల్లో రోజుకి మూడు, నాలుగు ఆపిల్ పండ్లు తినేదాన్ని, ఈ ఏడాదిన్నరలో ఇక్కడ దొరికే అన్ని రంగుల ఆపిల్ పండ్లని తినేశాను. ఇప్పుడు ఆపిల్ పండంటేనే విరక్తి పుట్టింది :)
అందుకే మొన్న పండ్ల కొట్టుకి వెళ్ళినప్పుడు ఈ కొత్త పండుని తీసుకొచ్చా , ఎలాఉంటుందో అనుకుంటూ ఇంటికి తెచ్చా .

ఎంత బాగుందో ..!
ముమ్మ్మ్మ్మ్మ్మ్మ్మ్మ్మ్మ్మ్మ్మ్మ్మ్ సూపర్ :)
దాని రంగు, లోపల ఉన్న గుజ్జు ఎంత బాగుందో
అంతే వెంటనే లప్తోప్ ఓపెన్ చేసి దాని గురించి చదవడం మోడులేట్ట

దీని పేరు perssimon or japanese kaki
దీనిలో బోలెడన్ని విటమిన్ లు ఉన్నాయట
ఇది ఆపిల్ కంటే మంచి పండట
ఇది చైనా లో ఎక్కువగా పండుతుందట
------------------------------------------------
-----------------------------------------------
అన్నీ బాగానే ఉన్నాయి కానీ ఇది ఇండియాలో అసలు పండదు :(
దీన్ని చూడగానే మనసుకెంతో బాధగా అనిపించింది
వెంటనే వెళ్లి ఏడుపు మోఘంతో ఇది ఇండియాలో ఎక్కడా పండదట అని మావారితో చెప్పా
ఆయన నవ్వుతూ ...
ఇకందుకు ఆలస్యం కాని ఉన్నన్ని రోజులు ఈ పండ్లని కుమ్ము అన్నారు :)
ఇప్పుడు ఆపిల్ స్థానంలో ఈ పెర్స్సిమోన్ వచ్చేసింది :)

కొత్త పిచ్చి

5:14 PM Posted In Edit This 6 Comments »
మొన్న నవరాత్రులప్పుడు సినిమాలు చూడటమెందుకులే అని క్లాస్సికాల్ డాన్సు విడియోలు చూస్తుండగా
రాజశ్రీ వార్రిఎర్ డాన్సు విడియోలు చూసాను
వాటిల్లో నాకు ఈ పాట చాలా నచ్చింది. ఈ పాట చూట్టనికే కాదు వినటానికి కూడా బాగా అనిపించింది
అంటే పెన్ను పేపరు పెట్టుకొని పాటను రాస్కోని రెండు నిమిషాల్లో నేర్చు కొనేశా :)
ఆ రోజూ సాయంత్రం మా వారు వచ్చినప్పటి నుంచి తరవాత రోజూ ఉదయం వెళ్ళే వరకు (నిద్దర్లో కూడా )
పాడు తూనే ఉన్నాను
ఉదయం ఆఫీస్కి వెళ్ళేప్పుడు కూడా బాయ్ నీ ఈ పాటలా పాడే :)
కొత్త పిచ్చోడు పొద్దెరగనట్టు ఎ పిచ్చి పట్టుకుంటే అదేనా అని ఆఫీస్ కి వెళ్లి పోయారు
నాకు మాత్రం ఆ పిచ్చి మరీ ముదిరిపోయింది
అందుకే ఆవిడ డాన్సు చేసిన పాటలను రోజుకో పాట నేర్చుకొంటున్నాను .




ఇవాళ నేను నేర్చుకొన్న కొత్త పాట

కళ్ళు వేణో నీల నిరములు నన్నా కళ్ళు వేణో
నల్ల వైరి పేరు రున్న కళ్ళు వేణమో 2
దేవకీతన్ ఝటరమామ్ అగారతిళ్ నన్ను దిచ్చా
దేవగళ్ కు మోదమేకుమ్ కళ్ళు వేణమో 2
ఇంద్రనీల మణి వర్ణం ఉండు లక్ష్మీ వక్షశిల్లాయ్
సాంద్ర మోదం బిళందుమా కళ్ళు వేణమో 2
పశుక్కళే పాలిక్యుమ్ న నందగోపన్ శౌరియోడ
విశుక్కన్నే వాంగియదామ్ కళ్ళు వేణమో 2
దుర్గా భగవతి యతాన్ అగరమై కోడుక్కాయ్ గిళ్
దుర్గామాకుమ్ ఇన్నాయ్ తేర్ణ కళ్ళు వేణమో 2

లావు తగ్గాలనుకున్తున్నారా.......?

11:33 AM Posted In Edit This 11 Comments »
అయితే ఎలా చెయ్యండి
రోజూ ఉదయం స్నానానికి వెళ్ళేదానికి అరగంట ముందు ఆవ నూనె (mustard oil) , కర్పూరం నీ కలిపి వేడి చేసి మీ శరీరానికి మర్దనా చేయండి.
ఇలా ఒక నలబై రోజుల పాటు రోజూ చేస్తే మీ బరువు తప్పక తగ్గు తుంది.
గమనిక: ఒక కప్పు నూనెకి, నాలుగు కర్పూరపు బిళ్ళలు వేస్తే చాలు.
ఆవనూనె శరీరనికి చాలా మంచిది. దీనిని రాసుకున్న కొద్ది సేపటికే చమట రూపంలో మన శరీరంలో ఉండే కొవ్వు బయటకి వస్తుంది.
ఇది శరీరాన్ని పొడిబారకుండా చేస్తుంది. అంతేకాదు ఆయిల్ మసాజ్ వల్ల రక్త ప్రసరణ మెరుగవుతుంది.
కొన్ని ప్రాంతాలలో దీనిని వంట నూనెగా కూడా వాడుతారు.

శిరోజాల సంరక్షణ కొరకు:
ఈ ఆవ నూనెలో గోరింటాకుని వేసి కాచి తలకు మర్దనా చేస్తే మీ వెంట్రుకలు ఎంతో అందంగా, వత్తుగా పెరుగుతాయి.జుట్టు రాలటాన్ని కూడా నివారిస్తుంది.
ఇది నేను అనుభవం మీద చెబుతున్నాను. దీని వల్ల సైడ్ ఎఫ్ఫెక్ట్స్ ఉండవు
మీరు తప్పక ప్రయత్నించి మంచి ఫలితం పొందుతారని ఆశిస్తున్నాను.

పాడుతా తీయ్యగా

12:30 PM Posted In Edit This 3 Comments »
ఆ పేరు వినగానే మనందరికీ గుర్తోచ్చేపేరు బాలుగారు ఇంకా
పపప..మమమ..రిరిరి..రిసమరి
పపప..మమమ..రిరిరి..సరిరిస
స్వరాలపనే సరాగాలుగా
శృతీ లయలలో జగాలూగగా
సుధానాదమే యదేమీటగా
రసానందమే అలై పొంగగా
ప్రాణాలు పులకించగా అ అ అ ...
మౌనాలు రవళించగా
ఇవే కదా మనందరికీ గుర్తొచ్చేవి :)
కానీ ఈ మద్య చాలా మంది దగ్గర వింటున్నాను , ఇప్పుడు వచ్చే పాడుతా తీయ్యగా అంత బాగు లేదు అని
కానీ నేను దానితో ఏకీభావించను.
ఎందుకంటే ఇప్పుడు అన్ని చానల్స్ లో ఈ పాటల సందడి పెరిగి పోయింది .
కానీ ఇలాంటివి ఎన్ని చేసినా దీని ముందు దిగదుడుపే.
దాని స్థానం ఎప్పుడూ అక్కడుంటుంది, దానిని చేరటం సాధ్యపడే విషయం కాదు.
ఎందుకంటే దీనిలో వెకిలి వేషాలు, వెకిలి చేష్టలు ఉండవ్ . ఎన్నో మంచి విషయాలే కాక తెలుగుని తెలుగులా ఎలా మాట్లాడాలి అనే విషయాన్ని గ్రహించవచ్చు. పిల్లలు కూడా ఎంతో పద్దతిగా ఉంటారు (ఆ ప్రోగ్రాం లో ).
మిగిలిన ఏ ఛానల్ లో ఇన్నిమంచి విషయాలు చూడ గలమా చెప్పండి.
ఇది ఒక పక్కన ఉంచితే
పిల్లలు కొంచం బాగా పడితే చాలు ఆహా ..వోహో..అంటూ వాళ్ళని అందలానికేత్తేయ్యడం . ఇది ఒక విధమైతే ,
పిల్లలు కొంచం తప్పు పాడినా వాళ్ళు అక్కడే ఏడ్చేలాతిట్టటం. అంతటితో ఆగదండోయ్ వాళ్ళు ఏడ్చేటప్పుడు వెనక నుంచి మ్యూజిక్
హ్మ్..ఏవిటో.
ఇలాంటి దృశ్యాలు పాడుతా తీయ్యగాలో చూడగలమా?
ముఖ్యంగా అవతలి మనిషిని గౌరవించాలి , ఆప్యాయంగా దగ్గరకు తీసుకోవాలి , ఎలా మందలించాలి అనేవి ఆ వ్యక్తినుంచి మనం తప్పక అలవరుచుకోవలసిన విషయాలు.
ఇవన్నీ అందరూ ఒప్పుకుంటారని నాకు తెలుసు :)
కానీ నన్ను చాలా మంది అడిగింది న్యాయనిర్ణేతల గురించి
ఆ విషయానికొస్తే ఒక్క యన్.టి.ఆర్ అభిమానులైనా ఇద్దరు, ముగ్గురు వారిని మినహాయిస్తే మిగిలిన వాళ్ళు ఏవిషయంలో తక్కువ. వెంకటేష్ అంటారా.. అతను కూడా చాలా మంచి చిత్రాలే కదా తీశాడు, ఎ వయసు తక్కువనుకున్తున్నారా ? :)
వాళ్ళ అన్న సురేష్ బాబుని అంటారా.. అతను కూడా ఒక గొప్ప పేరు గల సమస్థకు యజమానే కదా.
బాపు గారు , రమణ గారు , రాజన్ నాగేంద్ర గారు, పి.బి. శ్రీనివాస్ గారు, ఇలా ఎంతోమంది గొప్ప వ్యక్తులని మనం కేవలం ఈ పాడుతా తీయ్యగాలోనే చూడగలం
ఏది ఏమైనా పాడుతా తీయ్యగా ద్వారా మనకు ఇంత మంచి సంగీతాన్ని అందిస్తున్నబాలు గారికి శిరస్సు
వంచి పాదాభివందనం చెయ్యాలి
సర్వే జనా సుఖినో భవంతు
సర్వే సుజనా సుఖినో భవంతు

రోబో

10:27 PM Posted In Edit This 6 Comments »
నేను నిన్న మా అన్న పంపిన రోబో సినిమా పాటలు విన్నాను
వాడికి మాత్రం తెగ నచ్చినట్లున్నాయి . అందుకనే ఎక్కడ చూసినా ఓ యంత్రికుడా..అని ఏదో ఏదో పాడు ట్యూన్ ఉన్నాడు .
నాకు మాత్రం అసలు నచ్చలేదు.
ఎందుకో తెలిదు కాని నాకు రజిని కాంత్ అంతగా నచ్చడు . సరే పాటలు ఎ.ఆర్. రహమాన్ చేశాడు కదా అని పెట్టాను.
ఒక్క పాటైనా అర్దమైతే చెప్పుతో కొట్టండి
ఇలా రాయ వచ్చో లేదో నాకు తెలిదు , కాని నాకు మాత్రం చాలా చాలా కోపం వచ్చింది.
అసలు ఒక్క ముక్క కూడా అర్ధం కాకుండా ఆ పాటలు పాడటమెందుకో నాకు తెలియట్లేదు,
అంతలా పాట పెట్టలనుకొంటే ఆ లిరిక్స్ ని తీసివేసి కేవలం సంగీతాన్ని మాత్రమే ఉంచవచ్చు కదా , అలా మాటలు అర్ధం కాకుండా పాడటం ఏవిటో ...
అసలది ఇంగ్లీష్ పాటో తెలుగు/ తమిళ్ పాటో తెలీకుండా ఉంది .
ఎలా ఈ మద్య చాలా వస్తున్నై హ్మ్
తెలుగు పాట అని చెప్పుకోవడానికే సిగ్గుగా ఉంది :(
పాతమద్యలో ఏవేవో ఇంగ్లీష్ పదాలు అవికూడా ఏమైనా అర్ధమవుతాయ అంటే అది లేదు
అంట ఎదిగా ఉంటే ఆ భాషలోనే పాదిన్చావచ్చు కదా
ఎవరు కాదన్నారు , తెలుగు/తమిళ్/హిందీ పాట అని ఆ భాషనేందుకు భ్రష్టు పట్టించటం
ఈ దేశంలో చాలా మంది ఎ.ఆర్. రహమాన్ అభిమానులు ఉండొచ్చు నేనూ ఒకప్పుడు ఆయన అభిమానినే కానీ ఇప్పుడు అతని సంగీతం అంత అనిపించట్లేదు సంగీతానికే ఎక్కువ ప్రాధాన్యత ఉంటుంది అందులోని మాటలకి కవి వ్యక్త పరచే మాటలకి ప్రాదాన్యత లేదు :( అదే నాకు చాలా బాధగా ఉంది.
అదే పాత పాటలు వినండి , అప్పుడు కూడా చాలా రకాల వాయిద్యాలు వాయించే వాళ్ళు చాలా ప్రయోగాలు చేసే వాళ్ళు
కానీ ఎంత హాయిగా ఉంటుంది ,మాట ఎంత స్పష్టంగా వినిపిస్తుంది .
అదే ఉప్పుడు కోల్పోతున్నాం అని పిస్తుంది :(
ఇకనైనా మన సినిమా పాటలు విన సొంపుగా వస్తాయని ఆశిస్తున్నాను .

వినాయక గోడుగులుమా ఒకటే వకటి రెండే రూపాయలు ....

9:10 PM Posted In Edit This 7 Comments »

రండమ్మ రండి , మీ వినాయకుడికి గొడుగు కావాలా ఐతే ఇదిగోండి ....
ఒకటి రెండు రూపాయలు , రెండు మూడురూపయలే
ఆలసించిన ఆశాభంగం రండి త్వరపడండి :)
హహ...హహ...హ .....
ఏమి చేసేదండి మా వారు గొడుగు తేలేదు గొడుగు లేకుండా ఉండకూడదని నేనే చేశా
దీన్ని చూసి దీనికంటే ఏమీ పెట్టకుండా ఉంటేనే బాగుండేదని చెప్తున్నారు. కానీ నాకు మాత్రం చాలా బాగా నచ్చింది ఏవంటారు ....?
మా వారన్నారు నువ్వెవరిదగ్గరైన దీన్ని భాగుంది అని చెప్పించు చూద్దాం అని చాలంజ్ చేసారు
అందుకే అంగడి కూడా పెట్టేసా
మీ అందారికి నచ్చింది కదా అయితే తప్పక నా దగ్గర కోనాలండోయ్
అప్పుడే కదా నేను చేసింది అట్లాంటి ఇట్లాంటి గొడుగు కాదని వారికి తెలిసేది
ఏవంటారు ..? :)
ఏమి చేసేదండి బాగులేదని నాకు మాత్రం తెలీదా..
అందరికీ ఫోన్లు చేసి మరి చెప్తున్నారు అందుకే ఇలా చేశా
అయ్యయో .. అలా చూసి వెళ్లి పొతే ఎలా గండి రండి కొనండి నన్ను గెలిపించండి
మీకు గాబట్టి ఇంత తక్కు వకి అమ్ముతున్నాను కావాలంటే ఒకటి కొంటె ఒకటి ఫ్రీ
కనీసం ఎప్పుడైనా తీసుకోండి ప్లీజ్
సరే కనీసం రూపయకి పది ఇస్తాను ఎప్పుడైనా తీసుకోండి ప్లీజ్
సరే సరే కనీసం ఫ్రీ గా ఇస్తాను ఎప్పుడైనా తీసుకోండి ప్లీజ్ అంది ప్లీజ్ తీసుకోండి :)

మనసు పలికింది మానస వీణ

3:27 PM Posted In Edit This 11 Comments »
మొన్న శనివారం నేను మా వారు కలిసి చిన్న విహారయాత్రకి వెళ్ళాం
ఈ దేశానికి వచ్చాక AMTRAK లో ఎక్కువ దూరం వెళ్ళటం ఇదే మొదటి సారి , చాలా బాగా ఎంజాయ్ చేసాం :)
సోమవారం తిరిగి వచ్చాం . తిరిగి వచ్చేప్పుడు ఒక చిన్న తమాషా జరిగింది అదేమిటంటే ...
నాకు పాటలు వినడమన్నా, పాడటమమన్నా చాలా ఇష్టం .ఏదో మోస్తరుగా పడుతాను లేండి:)
నేను ipod లో వింటూ నాకు తెలీకుండానే చాలా పెద్దగా పాడేసానట, ఈ సంఘటన తరచూ జరుగుతుంది లేండి కానీ మా ములుగా మావారు చిన్నగా..చిన్నగా..అని చెబుతుంటారు. కానీ నిన్న అలా ఏమి చెప్పలేదు నా పాటికి నేను రెండున్నర గంట పాడుకొంటునే ఉండిపోయాను :)
ఆ తర్వాత స్టేషన్ వచ్చేసింది దిగటానికని పైకి లేచాం
అప్పుడేమి జరిగిందో తెలుసా ..?
అబ్బో నాకు సిగ్గేస్తోంది :)
అప్పుడేమిజరిగిందంటే మా వెనక సీటులో కూర్చొని ఉన్న అమెరికన్ ఆవిడ నా చెయ్యి పట్టుకొని చాలా చాలా బాగా పడావు , నీ పాట వింటూ మేము ప్రయాణాన్ని చాలా ఎంజాయ్ చేశాము అని చెప్పారు
అప్పుడు కొద్దిసేపు నా గొంతు మూగపోయింది .ఆవిడకి థాంక్స్ అని చెప్పనే కానీ ఆవిడ నిజంగానే బాగుందంటున్నారా ..లేక బరించలేక దాన్ని అలా చెప్పరా ..? అని అనుకుంటూ మా వారితో అన్నాను మాములుగా అయితే తమాషాగా నువ్వనుకోనేది నిజమే అని అనే వారు :)
కానీ నిన్న మాత్రం నిజంగా చాలా బాగా పాడావ్ అందుకనే నువ్వు పెద్దగా పాడుతున్న వింటూ వుండిపోయాను అని చెప్పారు . 'ఆహా' అని అనిపించింది. మళ్లీ కిందకి వచ్చాక కూడా ఆవిడ, ఆవిడ ఫ్రెండ్స్ కూడా మళ్లీ అలానే అన్నారు, అప్పుడు ఇక ఇది నిజనేననినమ్మే..:)
ఆ ఆనందంతో రెండు కేజీలు బరువు పెరిగి పోయా... అందుకే ఇవాళ నడక రాజుకంటే కొంచం ఎక్కువ చేశా లెండి :)
మనసున మల్లెల మాలలూగెనే ..కన్నుల వెన్నెల డోలలూగెనే...
ఎంత హాయి ఆ పగలు నిండెనో ఎన్నినాళ్ళకీ బ్రతుకు పండెనో..

లక్ష్మీ రావే మా ఇంటికీ.. వరలక్ష్మీ రావే మా ఇంటికీ ...

7:31 PM Edit This 3 Comments »

ఈ ఏడాది మా వరలక్ష్మీ దేవి
ఈసారి కూడా చాలా బాగా చేసుకొన్నాను,
ఉదయం పూజ చేసినంత చేపు అమ్మమ్మ ,తాతయ్య చాల సార్లు గుర్తుకొచ్చారు ,
అమ్మ పూజ చేసు కొనేప్పుడు వస్త్రం, యజ్ఞోపవితం, తోరాలు ఇవన్నీ అమ్మమ్మే చేసేది, ఆవిడే పెద్దది కాబట్టి అందరికీ ఆవిడే తోరాలు కట్టేది. ఆవిడా తరువాత నుంచి అమ్మ మొన్నటి దాగా చేసేది ,ఇప్పడు ఆ ఆపని మా వారు చేయవలసి వచ్చింది :)
నాకు ఊహ తెలిసిన దగ్గర నుంచి తాతయ్యే పూజ చేయించే వారు , మా ఇంట్లోనే కాదు మా పిన్ని ,అత్తా ...అందరికి ఈనఒక్కరే...!! మరి అంత డిమాండు ఆయనకి
మా తాతయ్య అని చెప్పడం కాదు కానీ వ్రతం చివరిలో వచ్చే కథ చదవాలంటే ఆయనకు ఆయనే సాటి
ఆ కథలోని సన్నీ వేశాలన్ని కంటి ముందు కనిపిస్తాయి ,
ఈ రెండేళ్ళ నుంచి దాన్ని చాలా మిస్ అయ్యాను :(
కానీ పెళ్ళయాక నాకు ఎన్నో సంవత్సరాలుగా ఉన్న కోరిక తీరింది
అదేమిటో తెలుసా ...
నేనే కళిశాన్ని చేయడం :)
అమ్మ ఎప్పుడూ మడి, ముట్టుకూకు, అంటూ కోప్పడేది , కానీ ఎప్పుడూ మనదే రాజ్జం :)
అన్నీ మనమే చేసుకోవచ్చు .
మరి ఎలా ఉంది మా వరలక్ష్మీ దేవి .....!!!!!!!!!!!

వరలక్ష్మీ వ్రతం

4:32 PM Edit This 3 Comments »

పోయిన ఏడాది వరలక్ష్మీ వ్రతం ఫోటోలు
చాల బాగా చేసుకున్నాము


నాకు చాలా చాలా నచ్చిన వ్రతం . నా చిన్న నాటి నుంచి ఎప్పుడూ ఎంతో వేడుకగా జరుపుకొనే పండుగ ఇది,
పెళైన వెంటనే ఎక్కడికి వచ్చేయటంతో వాయనం ఇవ్వటానికి ,పేరంటానికి కొంచం ఇబ్బంది పడ్డాను .
కానీ నా అదృష్టం మా పక్క వాటాలోనే తెలుగు వాళ్ళు, అదీకాక మన వాళ్ళే ఉన్నారు . ఆవిడకు ఇవ్వటంతో గత ఏడాది నా వ్రతం ఎటువంటి ఇబ్బంది లేకుండా ముగిసింది .
ఈ ఏడాది ఎలా జరుగుతుందో మరి ...

గ్రామీణ భారతం

10:33 PM Posted In Edit This 8 Comments »


అందరికీ స్వాతంత్ర దినోత్సవ శుభాకాంక్షలు

ఈ దృశ్యాలు ఇప్పటి గ్రామాల్లో చూడలేమనుకుంటా :(
అమ్మమ్మ వాళ్ళ అమ్మ వాళ్ళ ఊరు ఈశ్వరవాక
నేను చిన్నదానిగాఉన్నపుడు వేసవి సెలవలకి ఆ ఊరు వెళ్ళేవాళ్ళం
నాకు ఉదయం నుంచి రాత్రి 8 వరకు ఆ ఊరులోనే ఉండాలనిపించేది ఆ తర్వతకదా అమ్మగుర్తుకువచేది ఇక అదిమొదలు తెల్లవారుజామువరకు ఏడుపు :)
కానీ అవ్వ మాత్రం వంట చాలా బాగా చేస్తుంది , అమ్మ కూడా అవ్వదగ్గరే వంట , ఇంటి పనులు ,ఇల్లు అలకడం లాంటి పనులన్నీ చేయడం నేర్చుకుందట ఆ మాట చెప్పి నన్ను పని నేర్చుకోమని చంపేసేది
ఏ పనిచేప్పినా చేసేదాన్ని కాదు గానీ మజ్జిగచిలకడం మాత్రం ఎప్పుడూ చెబుతుందా అన్నట్లు చూసేదాన్ని
ఎందుకంటే ఈ బొమ్మలో ఉందే అలాటి గొల్లభామ కవ్వం ఉండేది , దాంతో మజ్జిగ చిలకడమంటే నాకు మహా సరదా అంతేకాదు దాన్లో వెన్న చాలా త్వరగా చాలా ఎక్కువ వస్తుంది చిలికినట్టి చిలికి మొత్తం తినేసేదాన్ని అడిగితే నేను కాదు
నేను చిలికి గిన్నెలో వేసి ఆడుకోడానికి వెళ్ళాను ఈలోపల పిల్లివచ్చి తినేసింది అని చెప్పేదాన్ని
అప్పుదందరూ నవ్వి ఆ తెల్లపిల్లి కదా... రెండు కాళ్ళుంటాయ్ , రెండు పిలకలుంటయ్ అదేనా అని నన్ను ఎగతాళి చేసేవాళ్ళు
వలింట్లో ఉయ్యాలబల్ల కూడా ఉండేది దానిమీద కూర్చోవటానికి ఉన్న ఆరుమండివి పోటీపడేవాళ్ళం
అయినా ఆరోజులే వేరు
మళ్ళీ ఆ రోజులు రమ్మన్నా రావు
మనకి పెళ్ళికాకముందు ఎలా ఆ రోజులు అంతగా గుర్తురావు ఎక్కుడైతే పెళ్లి చేసుకొని ఇంటికి ఊరికి దూరం అవుతామో అప్పుడు తెలుస్తుంది ఆ బాధ :( ఏవిటో హ్మ్
ఇంతకీ అడగడం మరిచా ఈ బొమ్మ ఇలా ఉంది ?? నే వేశా :)

INCEPTION

5:47 PM Edit This 2 Comments »
మొన్న శనివారం ఈ సినిమాకి వెళ్ళాం .
మొదటంతా అసలుఅర్దంకాలే,ఏవిటో ,ఈ కలలేవిటో,ఆ కలలోంచి ఇంకో కలలోకి వెళ్ళటాలేవిటో అబ్బబ్బ ... నాకుతెలిసీ నా జీవితంలో సినిమా హాల్ లో నిద్రతెప్పించిన సినిమా ఇదే.
ఇదిగో ఈ మెట్లు

చూసినప్పుడు ఇదేదో చాలా బాగుందని కొంచం మనసు పెట్టి చూసా . కొంచం అర్దమయ్యి కానట్టు అనిపిచింది .మా వారు మాత్రం చాలా లీనమైపోయి చూస్తున్నారు. నాకా తెలుగు సినిమాలు చుట్టం అలవాటై ఈ ఇంగ్లీషు సినిమాలల్లో ఒక్క మాట అర్దం కాకపోయినా మనసు నిలవదు, దాని అర్దం ఎవిటో మా వారిని చెప్పేదాకా తినేస్తాను.కానీ ఈ సినిమాలో అలా అదిగితే కొట్టేస్తారేమో అన్నట్టు చూస్తన్నారు...:)
అయినా ఏదో అర్ధమయ్యి ,కానట్టు చూసానులెండి
కానీ ఈ ఊహ చాలా బాగుందనిపిస్తుంది . మనిషి నిజ జీవితంలో చేయటానికి, చూట్టానికి అలవికానివి కలల ద్వారా సాధించవచ్చు అని అనిపించింది .
కానీ ఎక్కువసేపు పడుకుంటే కలలే వస్తాయ్........:)

మా బుజ్జి బొజ్జ గణపయ్య

3:44 PM Posted In Edit This 1 Comment »
వక్రతుండ మహాకాయ సూర్యకోటి సమప్రభ |
నిర్విఘ్నం కురుమేదేవ సర్వకార్యేషు సర్వదా ||
రాబోయే వినాయక చతుర్ధికి తయారైన మా బుజ్జి బొజ్జ గణపయ్య
పోయిన ఏడాది చివరి నిమిషంలో వినాయకుని పటం కోసం చాలా కంగారుపడ్డాం. విగ్రహం కొన్నాం కానీ పటం కొనడం మరిచాం. చివరి నిమిషంలో ఒక చిన్న వినాయకుని ఫోటోని ప్రింట్ తీసుకొని దాన్ని పెట్టి పూజ చేసేశాం. అందుకే ఈ సారి కొంచం త్వరగా నేనే నాకు తెలిసిన acylic paints తో ఈ బుజ్జి జేజాని పైంట్ చేశా
ఈ విఘ్ననాధుడే ఈ ఏడాది మా ఇంట కొలువుతీరబోతున్నారు

గుండ్రాయి బొమ్మలు

4:18 PM Posted In Edit This 9 Comments »
నేను డిగ్రీ చదివేప్పుడు అమ్మ,నాన్న డక్కిలి లో ఉండేవాళ్ళు ,అక్కడ ఈ గుండ్రాయిలని ఎక్కువగా అన్ని రకాలలో మొదటిసారి చూట్టం. ఎందుకోతెలిదు సముద్రానికి వెళ్ళినప్పుడు గవ్వలు ఎలా ఏరుకుంటామో అలా బోలెడు రాయిలు ఏరుకుని ఇంటికి తెచ్చను .
అంతకి ముందువారమే ఈనాడు వసుంధరా పేపరులో ఇలాంటి రాళ్ళతో తాబేలు బొమ్మని చేయటం ఎలానో రాసారని అమ్మ చెప్పింది.చూసాను ,కానీ నాకు మాత్రం ఎందుకో వాటిని ఒకదానిపై ఒకటి పెట్టి చూడగానే లావుగా ఉన్న మనిషి కూర్చున్నట్టు అనిపించింది. :)
అప్పుడు వాటిని ఫెవికాల్తో అంటించి ఇలా చేసా ...

అవి అలా అంటుకోగానే చాలా సంతోషంగా అనిపించింది. ఇక వాటికి రంగులు వేసి ఇదిగో ఇలా తయారు చేసాను.


కొంపతీసి
ఇవి అవనుకునేరు.
ఇవి అవి కావు, అలానే ఉండే మరో జత .
అవి వాకాడులో మా అమ్మా దగ్గరున్నాయి .
ఇవి మొన్న సియాటెల్ సముద్రతీరానికి వెళ్ళినప్పుడు, అప్పుడుచూశానే.. అలాంటి గుండ్రాయిలే కనిపించాయి ,వాటితో చేశా .
ఇక మీకు చూపించకుండా ఉండటానికి మనసొప్పక ఇదిగో ...వీటిని బ్లాగులో పెట్టే .



ఎలాఉన్నాయి ....?
ఆనంద మానంద మాయనే ...మా తాతయ్యపెళ్ళికొడుకాయనే... మా అమ్మ్మమ్మ పెళ్ళికూతురాయనే

షష్ఠిపూర్తి మహోత్సవం

10:19 PM Posted In , Edit This 1 Comment »

మా ఇంట నేడు షష్ఠిపూర్తి మహోత్సవం తామెల్లరూ విచ్చెసి కార్యక్రమాన్ని జయప్రదం చేయ ప్రార్ధన

కార్యనిర్వాహకులు ,
స్రవంతి రవి


చిట్టి చిట్కాలు

4:56 PM Posted In Edit This 0 Comments »

తులసి మాత

10:50 PM Posted In Edit This 2 Comments »

శ్రీ తులసి ప్రియ తులసి జయమునియ్యవే జయమునియ్యవే ..||2||
సతతము నిను సేవింతుము సత్కృపకనవే
సత్కృపకనవే .....||2|| ||శ్రీతులసి||
లక్ష్మీ పార్వతి వాణీ అంశలవెలసీ||2||
భక్తజనుల పాలించే మహిమనలరుచూ||శ్రీతులసి||
వొల్లగ శాఖలు వేసీ.... వెల్లుగ దళముల విరిసీ
శుభకర పరిమళములతో మా పెరటివేల్పువై వెలసీ...||శ్రీతులసి||
దళమునకొక విష్ణువుగా విష్ణుతులసివే...శ్రీకృష్ణ తులసివే...
జయహారతిగైకొనవే మంగళ శోభావతివై||శ్రీతులసి||

కవ్వపు పాట

9:45 PM Posted In Edit This 4 Comments »
ఈ పాట నేను ఒకటో తరగతి చదివేటప్పుడు మా తెలుగు వాచకంలో ఉండేది ..
ఈ పాటని ఎక్కువగా మా అమ్మ మజ్జిగ చిలికేటప్పుడు పాడేదానట అమ్మ చెప్పేది ....:)

మీకు తెలుసా...?

10:43 AM Posted In Edit This 0 Comments »
పిల్లలూ నిన్న మనం బొగ్గు పులుసు వాయువు గాలిలో ఎక్కువైతే కలిగే ప్రమాదాల గురించి తెలుసుకొన్నాం.

ఇవాళ దాన్ని ఏఏ పదార్ధ్హాల తయారీలల్లో ఉపయోగిస్తారో దాని లక్షణాలేమిటో తెలుసుకొందాం.
ఈ వాయువు గాలికంటే బరువైనది.
పుల్లటి వాసన కలిగి ఉంటుంది.
దీనిని మంటలు ఆర్పడానికి ఎక్కువగా ఉపయోగిస్తారు.
దీనినే కార్బన్ డై ఆక్సైడ్ అని కూడా అంటారు .దీనిని సోడా అదే మీరు తాగుతారే కూల్ డ్రింక్స్ వాటి తయారీలో కూడా ఉపయోగిస్తారు.

ఇప్పుడు మనం సోడా ఎలా తయారుచేస్తారో తెలుసుకొందాం.

ఒక సీసాలో నీళ్ళు లేదా ఏదైనా సుగంధపు నీటిని తీసుకొని అందులోకి ఎక్కువ మొత్తంలో ఈ బొగ్గుపులుసు వాయువుని పంపి వెంటనే మూత బిగించి సీలు చేసేస్తారు.
H2O+CO2->H2CO3
అంటే నీటిలో అధిక మొత్తంలో ఈ వాయువుని కరిగించి అతిసంతృప్త ద్రావణంగా చేసి సీలువేస్తారన్నమాట ...
పిల్లలూ ఎప్పుడర్ధ్హమైదా...మీరు తాగే ఈ కూల్ డ్రింక్స్ లో ఏ వాయువుందో ..?ఆ .....
బొగ్గుపులుసు వాయువు ఉంది. నిన్న మనం ఏమని చెప్పుకొన్నాం.?
బొగ్గుపులుసు వాయువు చాలా ప్రమాద కరమైనది అని కదా ...!
మరి అలాంటీ ప్రమాదకరమైన వాటిని మీరు ఇప్పటి వరకూ తాగుతున్నారు . కాబట్టి ఇకనుంచి వాటిని తాగటం మానివేయండి .
సరేనా........!
వాటిబదులుగా కొబ్బరినీళ్ళు ,పండ్ల రసాలు తాగండి .అవి ఆరోగ్యానికి చాలా మంచివి .
పిల్లలూ "ఆరోగ్యమే మహాబాగ్యం, ఐకమత్యమే మహాబలం" . దీనిని మీరెప్పుడూ మరవకండి.
.......సశేషం

మీకు తెలుసా.........?

4:39 PM Posted In Edit This 1 Comment »
పిల్లలూ మీ చుట్టూ ఉండే ఈ గాలిలో ఏ ఏ వాయువులు ఉన్నాయో మీకు తెలుసా...?

ఇప్పుడు మనం ఆ వాయువులనీ, వాటి లక్షణాలనీ ప్రయోగ పూర్వకంగా తెలుసుందాం.
మన చుట్టూ ఉండే ఈ గాలిలో అనేక రకాల వాయువులు ఉన్నాయి . గాలిలో 78.08% నత్రజని , 20.95% ఆమ్లజని, 0.93% ఆర్గాన్, 0.038% బొగ్గుపులుసు వాయువు ,దరిదాపు 1% నీటి ఆవిరి ,అతి తక్కువ శాతం ఇతర వాయువులు ఉన్నాయి.
వీటిలో చాలా చాలా ముఖ్యమైనది ఆక్సిజన్ .దీనినే ప్రాణ వాయువు అనికూడా అంటారు. మనమూ, మన చుట్టూ ఉండే ఈ జంతువులు, పక్షులు, చేపలు ...ఇంకా ఈ ప్రాణులన్నీ ఈ ప్రాణ వాయువువల్లే జీవిస్తున్నాయు.అందుకే ఇది అతి ముఖ్యమైనది . గాలిలో ఈ ఆక్సిజన్ తగిన శాతంలో లేకపోతే ఈ ప్రాణులన్నీ చనిపోతాయి . కావున ఈ వాయువుని వీలైనంత ఎక్కువ మొతాదులో గాలిలో ఉందెలా చూడాలి .దీనికోసం మనం చెట్లని ఎక్కువగా పెంచాలి. ఎందుకంటే మనం అంటే నువ్వూ ,నేనూ ,ఇంకా ఈ జంతువులు అన్నీ ఈ ఆక్సిజన్ ను పిల్చుకొని ,బొగ్గు పులుసు వాయువుని వదులుతున్నాయి. కానీ చెట్లు, మొక్కలు మాత్రం ఈ బొగ్గు పులుసు వాయువుని పీల్చుకొని ప్రాణ వాయువుని వదులు తున్నాయి . అంటే మనం వదిలే వయువుని చెట్లు పీల్చుకొని మనం పీల్చే వాయువుని విడుదల చేస్తున్నాయన్నమాట..
గాలిలో కార్బన్ డై ఆక్సైడ్ శాతం పెరగడాన్ని "హరిత గృహ ప్రభావం" అంటారు.
ఈ హరిత గృహ ప్రభావం చాలా ప్రమాదకరమైనది . దీనిని తగ్గించడానికి మనం ఎమి చెయ్యాలి..?
ఆఆ ...చెట్లని ఎక్కువగ పెంచాలి .
మరి మీరుకూడా చెట్లను తప్పక పెంచుతారుకదూ..
...సశేషం

రాధా కృష్ణులు

8:07 PM Posted In Edit This 5 Comments »
రాధకు నీవేర ప్రాణం ఈ రాధకు నీవేర ప్రాణం ....

గొబ్బిళ్ళు

1:27 PM Posted In Edit This 5 Comments »
పల్లవి : కొలనిదోపరికి గొబ్బిళ్ళో యదుకులాస్వామికిని గొబ్బిళ్ళో ||3||
యదుకులాస్వామికిని గొబ్బిళ్ళో ||2||
చరణం : 1 కొండగొడుగుగా గోవులకాచిన పొందుక శిశువుకు గొబ్బిళ్ళో ||
దుండగంపు దైత్యులకెల్లను తల గుండు గండనికి గొబ్బిళ్ళో || ||కొలని||
2 పాప విధున శిశుపాలుని తిట్టుల కోపగానికిని గొబ్బిళ్ళో ||
ఏపున కంసుని ఇడుమనపెట్టిన గోపబాలునికి గొబ్బిళ్ళో || ||కొలని||
3 గండి వైరులను తరిమిన ధనుజుల గుండె దిగులునకు గొబ్బిళ్ళో ||
వెండిపైడియగు వేంకటగిరిపై కొండలయ్యకును గొబ్బిళ్ళో || ||కొలని||

బావా-మరదళ్ళు

11:29 AM Posted In Edit This 5 Comments »

సొగసు చూడ తరమా

4:34 PM Posted In Edit This 3 Comments »
సొగసు చూడ తరమా నీ ...........సొగసు చూడ తరమా ...ఆ .....
ఇంతటి అందాన్ని బాపు గారు వేసిన దాన్ని చూసి మనసులో ఏదో తెలియని ఆవేశంతో
ఈ కాగితంపై ఉంచాను .

మంగళం

4:40 PM Edit This 3 Comments »
రామ చంద్రాయ జనక రాజజా మనోహరాయ
మామకా భీష్టదాయ మహిత మంగళం
చారు కుంకుమోపేత చందనాను చర్చితాయ
హార కటక శోభితాయ భూరి మంగళం
విమల రూపాయ వివిధ వేదాంత వేద్యాయ
సుజన చిత్త కామితాయ శుభగ మంగళం
రామదాస మృదుల హృదయ తామరస నివాసనాయ
స్వామి భద్ర గిరివరాయ దివ్య మంగళం

గుత్తి వంకాయకూర

2:42 PM Posted In Edit This 2 Comments »

మంగళవార పూజాఫలం

2:09 PM Posted In Edit This 4 Comments »

శ్రీ వాగ్దేవీం మహాకాళీం మహాలక్ష్మీం సరస్వతీం
త్రిశక్తి రూపిణీం అంభాం దుర్గాం చంఢీం నమామ్యహం

నేను ప్రస్తుతం ఇంత సుఖంగా, సంతోషంగా ఉన్నానంటే ఆ అమ్మ కృపే...
ఒక ఆడపిల్లకి చదువు, అందం , ఉద్యోగం ఉన్నా మంచి భర్తా,మంచి అత్తమామలు,కలగటమే అదృష్టంగా భావిస్తాను .
నాకు అటువంటి అదృష్టం కలుగజేసింది ఆ అమ్మ .
నాన్న పోయాక ఒక సంవత్సరానికి నా చదువు పూర్తైయింది. ఇక ఉద్యోగప్రయత్నాలు యస్ .బి.ఐ. క్లర్కు
పోస్టుకి ప్రెపేరయ్యాను ,కానీ నాకు రాలేదు. ఎలాంటి సమయంలో నాకొక పెళ్ళిసంభందం వచ్చింది . అమ్మకీ, అన్నయ్యకీ, తాతయ్యకీ చాలా బాగానచ్చింది. నాకుకూడా మావారు నచ్చారు .నిజం చెప్పాలంటే అదిచాలా పెద్ద సంభందం .అమ్మ చాలా భయపడింది, కట్నం అడుగుతారేమోనని . కానీ ముందు జాతకాలు చూడాలి కదా ..నాకు అప్పటివరకూ జాతకం వ్రాయలేదు ,కేవలం పుట్టీనతారీకు ,టైము తెలుసు. సరే జాతకం రాయించటానికి మా మేనమామ ,తాత వెళ్ళారు. నా జాతకం చూసినాయాన నాకు 2009కానీ, 2011లో కానీ కళ్యాణం జరుగుతుందనిచెప్పారు కానీ నాకు అప్పుడు రాహువు సరిగాలేదని , నన్ను 22 మంగళవారాలు రాహుకాలంలో ఉపవాసంతో నిమ్మకాయ దీపాలు వెలిగించి, బెల్లం నైవేధ్యంగా పెట్టమన్నారు .
అలానే నేను ఐదోవారం పూజచేసి లేవగానే పెళ్ళివారినుంచి ఫోను అమ్మాయి మాకు నచ్చింది కట్నం కూడా వద్దూఅని...
తరువాత ఒక 2 గంటలకి మా అన్న ఫోను చేసి వాడికి యన్.టి.పి.సి. లో ఉద్యోగంవచ్చిందని చెప్పాడు. అంతే మా ఆనందానికి అవధులు లేవు .
నాకు, అమ్మకీ ఇదంతా ఆ అమ్మ కృపేనని అనిపించింది . ఆ అమ్మ ఐదువారాలకే అంతటి దయ చూపింది మాపైన .
ఎలా 22 వారాలు పూర్తి కాగానే మార్చి 12, 2009 లో నాకు మా వారితో వివాహం అయ్యింది . మా అత్తగారు కూడా ఈ పూజ 6 సంవత్సరాలనుండి చెస్తున్నారట. ఆ తల్లినీ, ఆమెచూపిన కృపనూ ఏరోజూ మరువను .
మీరు కూడా ఈ పూజ చేసి ఆ తల్లి కృపకు పాత్రులు కాగలరని ఆశిస్తున్నాను ....


మిరపకాయ బజ్జీలు

5:10 PM Posted In Edit This 7 Comments »
ఐదుగంటల వేళ ఆదారి ప్రక్కగా చుయ్..మనునూ,గూబ ఘూయ్....మనునూ.......
పచ్చిమిరపకాయ కచ్చి రేపెడునట్లు గుచ్చి చూ...చుచునుండు గుండెవైపు.................
శెనగ కవచమూలె సలసలా వెగుచూ కడుపులో రసనాడి కదులసాగు
ముక్కకొరికినంత ముల్లుకములయాత్ర చేత పైసాలేక చేయగలడు ........
ధనము వెచ్చించి కన్నీళ్ళు కొనగచేయు మిరపబజ్జీల రుచిని నే మరువలేను
ఒక్కటో ..రెండో మంచిదే.....ఎక్కువైన సచిను టెండూల్కరుడు మాకు సాటిరాడు.............

కీరదోస పప్పు

4:42 PM Posted In Edit This 0 Comments »

చిట్టి చిట్కాలు

3:45 PM Edit This 2 Comments »

మసాలా వడలు

4:07 PM Posted In Edit This 1 Comment »

పులిబొంగరాలు

5:15 PM Posted In Edit This 9 Comments »

సంక్రాంతి శుభాకాంక్షలు

8:40 AM Edit This 0 Comments »

ముగ్గు

11:45 AM Posted In Edit This 2 Comments »